Ane Bilbao Secok gizonezkoen ileapaindegia du Gorlizen, eta ireki zuenean, ez zegoen horrelako bestelakorik. "Hori zorte handia izan zen", seinalatu du. Bere bezeroak gehienbat herritarrak direla baieztatu du, eta, noizbehinka, udatiarrak ere hurbiltzen dira: "PIE-a ondoan dugunez, bezero ingeles eta txinatar asko ditut. Haiekaz harremanetan jartzeko itzultzailea erabiltzen dut eta nahiko barregarria da, kar-kar".
Negozioa definitzeko momentuan aipatu du tratu familiarra ematen ahalegintzen dela kalitatezko lanagaz konbinatuta. "Batzuetan psikologo bat bezala sentitzen naiz, izan ere, jendea tratuarengatik etortzen da baita bere konfiantzazko ileapaindegia delako. Oso bezero atseginak ditut", ziurtatu du. Hala, "bizitza osoko" bezeroak ditu: "Hasten zara bi urte dituen umeari ilea mozten, eta, orain, 24 urte ditu. Jendeak betidanik ezagutzen nau herrian eta eremu oso erosoa da horrelako negozio bat irekitzeko".
Hala, esker onez beteta, negozioagaz aurrera beste urte asko jarraitzeko asmoa adierazi digu.