Gorlizko Indaba Txapelketak bere XII. urtea ospatuko du aurten, martxoaren 22an. Lehiaketa Urris kuadrillak antolatu du, Goskoa elkarteagaz eta Gorlizko Udalagaz elkarlanean. Izen-emateak egunean bertan irekiko dira goizeko 10:30etik 11:30era. Bestalde, indaben aurkezpena eguerdiko 13:00etatik 13:30era arte izango da, eta, azkenik, sari banaketa 14:00etan ospatuko da.
Oinarriak
Prestaketa Ibarreta plazan eta bere inguruetan egingo da. Alabaina, euria egiten badu, Ibarreta plazako arkupeetan egon ahal izango da, atarien aurrean izan ezik, eta bertan bizi diren bizilagunen pasabidea ez oztopatuz. Partaide bakoitzak ordainduko ditu osagaiak eta beharrezko materiala indabak egiteko.
Indaba mota tradizionala izango da, eta Euskal Herriko lurralde historikoetako indaba gorria aukeratzen saiatu beharko da. Ongarri klasikoak (txorizoa, odolkia, urdaia, saiheskia, etab.) onartuko dira, eta ez da beharrezkoa izango guztiak erabiltzea. Halaber, mahaiak eta aulkiak jarriko dira parte-hartzaileak bazkaltzen gera daitezen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
