Haurreskolako obran zehar, sabai aizunak desmuntatzean zenbait solibatan egiturazko kalteak antzeman dira, baita estalkian pipia ere. Ez dirudi aktiboa denik, baina egokitzat jo da esku-hartzea tratamendu integrala egiteko baliatzea. Jarduera horiek ez zeuden aurreikusita hasieran, eta formalki onartzeke daude. Horren ondorioz, epeak luzatzea aurreikusten da, lanak ekainerako amaitzea aurreikusiz. Udala Hurreskola Partzuergoagaz koordinatuta dago, zentroak irailean ateak berriro ireki ahal izateko. Epeak zehaztu ahala jakinaraziko da.
Gorlizko Haurreskolako birgaitze-obrek aurrera jarraitzen dute, eraginkortasun energetikoa eta zentroko erabiltzaileen ongizatea hobetzeko helburuagaz. Lanak otsailaren 3an hasi ziren, eta bi hilabeteko iraupena izango dutela aurreikusi dute.
Aurreikusitako esku-hartzeak
Esku-hartzeak berokuntza eta ur beroaren sistema (UBS) aerotermia-sistemagaz ordezkatzea, isolamendu termikoa hobetzeko kanpoko hormen estradosatua instalatzea eta eraikineko leiho guztiak berritzea aurreikusten du. Era berean, aireztapen mekaniko kontrolatuko sistema bat instalatuko da aireztapen naturalaren faltagatik antzemandako hezetasun-arazoak konpontzeko. Kanpoaldean, jolasgune estali berri bat sortzen ari da, hareazko jolastoki, txirrista eta beste elementu ludiko batzuk izango dituena.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
