Kiroldegiaren kasuan, foku berriak instalatu dira teniseko, saskibaloiko eta ping-pongeko pistak argiztatzeko, argi natural gutxien dagoen orduetan erabiltzea erraztuz. Kiroldegia ixteko ordutegia 21:30ean mantentzen bada ere, hobekuntza horrek erabiltzaileen eskaerari erantzuten dio, batez ere neguko hilabeteetan, goizago iluntzen duenean. Argiztapen berriak kirol-ekipamenduaren erabilera zabalagoa eta seguruagoa ahalbidetuko du.
Bestalde, kiroldegiaren ondoan dagoen Parkour pista eremuko berregokitze lanak ere amaitu dira. Zehazki, zolatutako azalera 50 metro karratutan handitu da, aurreko harri-geruza kenduz eta hormigoi armatuzko zolata berri bat eginez, diziplina hori gauzatzeko gune seguruagoa eskaintzeko helburuagaz.