Panel bakoitzak QR kode bat du, telefono mugikorretik eraikin, monolito edo enklabe bakoitzari buruzko informazio zabalagoa eskuratzeko. Eskaneatu ondoren, edukia irakurri, entzun eta bistaratu daiteke, lekuarekin lotutako irudien bidez.
Irisgarritasunaren aldeko urratsa
Edukiak hiru hizkuntzatan daude eskuragarri: euskaraz, gaztelaniaz eta ingelesez. Gainera, panelak ikusmen-urritasuna duten pertsonentzat irisgarriak izateko diseinatu dira, informazioa audio-formatuan entzun daitekeelako eta sistema pertsona itsuentzat ere egokituta dagoelako. Testuek, gainera, irakurketa errazeko bertsio bat dute, euskaraz zein gaztelaniaz, eta ulermena errazten diete zailtasun kognitiboak edo irakurketa-zailtasunak dituzten pertsonei.
Panelak kokapen hauetan aurki daitezke:
- Andra Mari auzoko baselizan.
- Areiza doktorearen monumentuaren ondoan, Astondon.
- Urezarantza auzoko eskolan.
- Gorlizko hilerriko ate nagusian.
- Itsasargian.
- Gorlizko ospitalean, hondartzako pasealekuko sarbidean.
- Sertutxena eraikinean.
- Gorlizko udaletxeko ate nagusiaren alboan.
Panelen edukia esteka honen bidez kontsultatu daiteke.