Guztira, 18 kolunbario gaitu dira. Aurretik eraikita zeuden arren, ez zeuden erabili ahal izateko behar bezala estaliak eta egokituak. Jarduera honegaz, zerbitzua abian jartzeko beharrezko lanak egin dituzte, herritarren aldetik gero eta handiagoa den eskariari erantzuna emateko. Udalak, gainera, plaza kopurua handitzea aurreikusten du etorkizunean, herritarrek arlo horretan dituzten beharrei erantzuten jarraitzeko.
Datozen egunetan, kolunbario bat eskuratzeko prozedurari buruzko informazio zehatza emango da, prezioak, baldintzak eta epeak barne.
