16 urtetik gorako eta udalerrian erroldatutako edonork aurkeztu ahal izango du bere ekarpena. Halaber, Udalaren Erakundeen Erregistroan inskribatutako edozein erakundek ere parte hartu ahal izango du, baita nortasun juridikoa eta egoitza soziala edo establezimendu iraunkorra Gorlizen duen edozein elkartek, sindikatuak, fundazioak, enpresa-elkarteak, elkargo profesionalak, zuzenbide publikoko korporazioak edo bestelako entitateek ere.
Gorliztarrek udal eskumeneko proposamenak aurkeztu ahal izango dituzte, eta BOST arlo hauetako bati lotuta egon beharko dute: gizarte-ongizatea eta pertsona adinekoak; hiri-ingurunea eta mugikortasun jasangarria; kultura eta kirola; gazteria eta haurra eta ekonomiaren sustapena (merkataritza, ostalaritza, turismoa, enplegua eta prestakuntza). Hala ere, ezingo dira eskatu laguntza ekonomikoak, diru-laguntzak, bekak, sariak edo langileen kontratazioak. Proposamenen kostua ezin da 15.000 €-tik gorakoa izan, zergak barne. Gainera, proposamenek egungo esparru juridikoa eta legala errespetatu behar dute eta ez dute eduki ilegalik izan behar, ezta difamatzaileak edo diskriminatzaileak ere.
FASEAK
1. FASEA: Proposamenak aurkeztea, irailaren 12ra arte.
- Nola aurkeztu proposamena?
- Telematikoki, “nire izapideak” atalean, eskaera orokor baten bidez.
- Pertsona fisikoa bazara, aurrez aurre ere aurkeztu dezakezu Gorlizko Udaleko HAZ/SAC zerbitzuan.
- Zer jaso behar du proposamenak?
- Proposamenaren izena edo titulua.
- Azalpena (ahalik eta argiena, ez da beharrezkoa teknikoa izatea).
- Arrazoiak eta helburuak.
- Gutxi gorabeherako kostua.
- Ulermena edo balorazioa errazteko dokumentu erantsiak.
2. FASEA: Jasotako proposamenen azterketa juridiko eta teknikoa. Teknikoki eta juridikoki bideragarriak diren proposamenak baloratu ondoren, Antolaketa Batzordeak 2026ko aurrekontu-proiektuan sartzea proposatuko du.
3. FASEA: Onartutako proposamenen zerrenda argitaratuko da udalaren webgunean eta informazio-kanaletan: Instagram, Facebook eta WhatsApp.
4. FASEA: Onartutako proposamenen herri-bozketa. Bozketaren data, ordua eta tokia aurrerago jakinaraziko dira.
5. FASEA: Emaitzen argitalpena udalaren webgunean eta informazio-kanaletan: Instagram, Facebook eta WhatsApp.