Astelehen honetan, irailaren 15ean, Gorlizko bidegorri berriaren obrak hasi dituzte. Eloisa Artzan hasi dira lehenengo faseko lanak: alde bakoitiko aparkaleku-plazei eragingo zaie, Sertutxenatik Ondargana kalearekiko bidegurutzeraino. Bidegorri berriak 310 metroko ibilbidea izango du eta hondartza hiriguneargaz lotuko du, txirrindulari zein oinezkoentzako eremu seguruak bermatuz. Horrela, diseinuak 2 metroko espaloia errespetatuko du gutxienez eta ahal den neurrian zuhaitzen kontserbazioa eta aparkalekuen berrantolaketa aurreikusten ditu.
Proiektua Next Generation Europako Funtsakaz finantzatu da Jata Ondo Landa Garapenerako. Elkartearen bidez, 134.600 euroko inbertsioagaz eta urte honen amaieran amaitzea aurreikusten da.
Eloisa Artaza kaleko aste honetan ez da trafikoa etengo, baina ezingo da espaloi horretan aparkatu. Halere, Udalak obrek aurrera egin ahala sor daitezkeen trafikoko gorabeheren eta aldaketen berri emango du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!