Lasterketa hiri izaerako ibilbide misto batetik igaroko da, Gorlizko erdigunea zein Urezarantza auzoa zeharkatuz. Irteera Eliza plazan izango da (Itsasbide, 9) 10:00etan, parte hartzaileen adinera eta gaitasunera egokitutako proba ezberdinakaz.
Interesdunek hemengo webgunean izen-eman dezakete. Urriaren 4a baino lehen izena ematen dutenek 10 euro ordaindu beharko dituzte, eta proba-egunean standean izen ematen dutenek, berriz, 15 euro. Dortsalaren eta oroigarri gisako kamisetaren banaketa lasterketa-egunean burutuko da, irteera gunean, 09:30etik 10:30era, edo aldez aurretik kiroldegian urriaren 3an (17:00-21:00) eta 4an (10:00-13:00).
Lasterketan, runninga gustuko duen edonork parte har dezake, bai federatuek bai federatu gabeek. Gainera, parte hartzaile guztiek 300 eurotan baloratutako QLED telebista baten zozketan parte hartuko dute automatikoki. Zozketa lasterketa amaieran burutuko da sari banaketarekin batera.
Kategoriak eta sariak
Lasterketa herrikoia denez, ez da diru-saririk banatuko. Hala ere, Gazteak, Juniorrak, Seniorrak eta beteranoak kategorietan, domina emango zaie lehen hiru sailkatuei eta irabazleari txapela.
Txupeteak (2017 eta ondorengoak)
- Irteera: 10:30
- Distantzia: 480 m (A zirkuituari 1 itzuli)
Benjaminak (2015 eta 2016)
- Irteera: 10:40
- Distantzia: 480 m (A zirkuituari 1 itzuli)
Alebinak (2013 eta 2014)
- Irteera: 10:50
- Distantzia: 920 m (A zirkuituari 2 itzuli)
Infantilak (2011 eta 2012)
- Irteera: 11:00
- Distantzia: 1.400 m (A zirkuituari 3 itzuli)
Gazteak, Juniorrak, Seniorrak eta beteranoak
- Irteera: 11:30
- Distantzia:
- Kategoria egokitua: 5.000 m (B zirkuituari 1 itzuli)
- Gaitasun osokoak: 10.000 m (B zirkuituari 2 itzuli)
