Helburu nagusia da familiei ingurune seguru bat sortzeko baliabideak ematea, haur eta gazteei identitate positibo bat sortzen lagunduko diena.
Gizarte-eragin edo inpaktu sozial positiboa duten ekintzak elkarregaz sustatzeko helburuaz, BBK-k eta Bizkaiko udalek bat egin dute Herriz Herri programan. Prestakuntza hori 2030 Agendako Garapen Jasangarrirako Helburuakaz bat dator, zehazki 3. GJHagaz, osasuna eta ongizatea sustatzeagaz. Hala, etxean lotura afektiboak indartu gura dituzten familiei zuzenduta dago proposamena.
Hainbat herritan egindako ekintza
Daborduko Bizkaiko 61 udalerrik bat egin dute ekimenagaz. Proiektu honegaz, bizkaitarren kohesioagaz eta ongizateagaz duen konpromisoa berresten du BBK-k, eta katalogo berritua aurkezten du, bertan, tailer honetaz gain, lurraldeko hainbat udalerritan egingo diren beste ekimen batzuakaz batera: tokiko merkataritza digitalizatzeko ekintzak, berdintasuna sustatzeko gazteei zuzendutako ekimenak, edo gizartea eraldatzeko proiektu artistikoak nabarmentzen dira.