Gorlizera berriro bueltan dira ibilbide zirkularrak! Hala, urriaren 5ean izango da lehenengoa, domekan, Itsasargiko errepidetik, Foru Abeletxeko larreetatik, Fano eta Orabille auzuneetatik eta Saratxagatik Gorlizera itzulia igo gabeko ibilbide zirkularra. Bigarrena, urriaren 19an, domekan, izango da. Itsaslabarren ibilbidea da: zazpi gailur txiki egingo dituzte Astondotik Armintzaraino. Bi ibilbideak Ibarreta plazatik hasiko dira, goizeko 09:00etan.
Urriaren 5eko ibilbideak 10 kilometroko distantzia izango du, desnibela 252 metrokoa izango da eta 2 orduko iraupena izango du. Antolatzaileen esanetan, ibilbide erreza da.
Urriaren 19ko ibilbideko distantzia 15,70 kilometrokoa da, 675 metroko desnibela du eta 5 orduko ibilbidea da. Azken honen zailtasun maila ertaina da.
Izen-emateak urriaren 1etik aurrera egin daitezke, goizeko 10:00etatik aurrera, Gorlizko Turismo Bulegoan, aurrez aurre edo telefono bidez 946 774 348.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!