Gorlizko bidegorriaren lanak amaitzera doaz. Abenduaren 10ean, eguaztena, eta hilaren 11n, eguena, bidegorriaren trazadura asfaltatuko da Eloisa Artaza eta Itsasbide kaleetan. Mozketa puntualak egongo dira egun horietan eta, ahal den neurrian, inguru horretan ez ibiltzea gomendatzen da.
Barikuan, abenduaren 12an, zirkulazioa moztuko da Eloisa Artazan eta Itsasbiden, Andra Mari eta Talaiarekiko bidegurutzetik goizeko 7:30etatik 18:30etara. Tarte horretan ezin izango da inguruko aparkalekuetara sartu ezta irten ere. Bestetik, Ondarganeko bidegurutzean errei bat egokituko da bi noranzkoan.
Horrez gain, lanek irauten duten egunetan, bakarrik Eloisa Artazako 2. eta 4. zenbakien aurrean aparkatu ahal da. Hortaz, autobusaren ibilbidea desbideratuko da.