Turismo Bulegoak bi ibilbide diseinatu ditu urtarrilerako, parte-hartzaileek inguruko paisaiarik esanguratsuenak ezagutzeko aukera izan dezaten. Ibarreta plazatik abiatuta, kostaldea, mendia eta historia uztartzen dituzten bi ibilbide proposatzen ditu.
Urteko lehen ibilbidea urtarrilaren 11an, domekan, izango da. Mendizaleak Andraka eta Malgartzagane mendiaren tontorrerantz abiatuko dira, Plentziako itsasadarrera jaitsi aurretik bista panoramikoez gozatuz. Bigarren ibilbidea urtarrilaren 25ean egingo da. Ibilbide honek Gorliz eta Gane mendateak lotzen ditu, Txipio eta Musaurieta auzoak zeharkatuz.
Ibilbide hauetan parte hartzeko izen-emateak Gorlizko Turismo Bulegoan egin daitezke, aurrez aurre edo telefono bidez 946 774 348 zenbakian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!