Udalak bi helburu nagusi ditu aplikazio berri honegaz. Batetik, herritarren iritziak jasotzea. Horretarako, herrian egingo diren jarduerak eta hobekuntzak proposatzeko aukera izango dute gorliztarrek aplikazio honen bidez. Bestetik, herritarrei udal proposamenen inguruan erabakiak hartzeko aukera ematea.
Aplikazio berria herritar guztien eskura egon arren, parte-hartzeak baldintza batzuk izango ditu. Gorlizen erroldatutako pertsonek soilik parte hartu ahal izango dute galdetegietan. Horrez gain, prozesu bakoitzaren arabera, parte hartu ahal dutenen adin tartea zehaztuko da. Prozesu bakoitza amaitzen denean, emaitzak aplikazioan bertan egongo dira ikusgai.
