Geuretik Sortuak beka-deialdiari esker, Maitane Nerekan Umaran filosofia irakasleak helduentzako idatzitako Maitasunak mozolo-aurpegia du ipuina sortu du. Liburua "Hamaika irakurtzeko jaioak" egitasmoaren barruan kokatzen da, Udalbiltzak sustatutako ekimena.
Aurkezpena martxoaren 26an, eguenean, izango da Gorlizko udaletxean, arrastiko 18:30ean, Korrika eskualdea zeharkatuko duen egun berean, hain zuzen.
Nerekanek berak adierazi duenez, aurkezpena ez da ohiko ekitaldi bat izango, parte-hartzaileei zuzendutako saio jolastia eta dinamikoa baizik. Hala, egileak herritar guztiak animatu ditu bertaratzera, euskara eta literatura uztartuko dituen arrastiaz gozatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!