Ekimena aisialdirako aitzakia hutsaz haratago joango den ekimena izango dela azpimarratu dute antolatzaileek; euskal baserrietako bizitzaren funtsa berreskuratzea eta herriaren memoria kolektiboa belaunaldi berriei transmititzea da helburu nagusia. Horretarako, egitarau oparoa prestatu dute egun osorako.
Goizeko 10:00etatik aurrera, Ibarreta Plazan artisau eta gastronomia azoka jarriko dute, Aukea Elkartearen eskutik, trikitixaren soinuek egunari hasiera ematen dioten bitartean. Horrez gain, talo-tailerra ere izango da; euskal kulturako elikagai adierazgarri honen jatorria eta tradizioa gertutik ezagutzeko aukera izango dute bertaratzen direnek.
Eguneko unerik sinbolikoenetako bat eguerdian iritsiko da, izan ere, une horretan, antolatzaileek herritar guztiak deitu dituzte euskal jantzi tradizionalak soinean jarri eta elizako plazan egingo den argazki kolektibo handian parte hartzera. Irudi honek, gainera, herrian zehar egingo den desfile bati bide emango dio.
Jardunaldiak arrastian jarraituko du Saltoka Dantza Plazagaz euskal dantzak izango dira protagonista, eta jarraian, herri kirolen txanda iritsiko da. Bertan, emakume eta gizonek indarrak eta trebetasunak neurtuko dituzte, harri-jasotze, txinga eta trontza bezalako diziplinetan.
Jai-giroa gazteei eta txikiei zuzendutako proposamenakaz jarraituko du, musikak gune propioak izango baitituzte. Eguna borobiltzeko, Gautegun Erromeria izango da, belaunaldi guztiak bilduko dituen kontzertua, euskal musikaren klasikoakaz.