Ordainpeko aparkalekua bost eremutan banatuko dute, koloreen bidez bereizita. Eremu gorria ordainpekoa izango da erabiltzaile guztientzat; berdea eta urdina, berriz, doakoak izango dira salbuetsitako pertsonentzat eta TAO bonua dutenentzat. Merkataritza-guneetan txandakatzea errazteko eremu laranja doakoa izango da, baina ticket-a hartu beharko da eta gehienez 90 minutuz aparkatu ahal izango da.
Aparkatzeko ticketak herrian zehar dauden parkimetroetan, Mowiz aplikazioaren bidez edo makina bakoitzean dagoen QR kodea eskaneatuta eskuratu ahal izango dira. Azken aukera horrek aparkalekua aplikaziorik deskargatu eta datu pertsonalik eman gabe kudeatzeko aukera eskaintzen du.
TAOren arreta-bulegoa Itsasbide kaleko 17. zenbakian egongo da zabalik, astelehenetik barikura 10:00etatik 14:00etara, eta martitzenetan 16:00etatik 18:00etara ere bai. Bertan, bonuak tramitatu, zalantzak argitu eta zerbitzuaren funtzionamenduari buruzko informazioa jaso ahal izango da.