Enkantera aterako diren ondasunen artean, Udalaren jabetza osoko lursailak eta beste partzela batzuetan dituen partaidetzak daude. Guztien irteerako balioak 2,4 milioi euro gainditzen ditu, eta lote bakoitza eskaintza ekonomiko altuena egiten duenari esleituko zaio, betiere ezarritako gutxieneko prezioa berdindu edo gainditzen badu.
Lursail gehienak familia bakarreko edo bi familiako etxebizitzak eraikitzeko bizitegi-partzelak dira, Gorlizko hirigintza-garapeneko hainbat eremutan banatuta. Irteera-prezioak 35.306,91 eurotik 543.800 eurora artekoak izango dira.
Udalak azaldu duenez, ekimenaren helburua udal ondarea baliabide ekonomiko bihurtzea da, etxebizitza publikoaren aldeko politikak indartzeko eta herritarrek etxebizitza duin eta eskuragarri bat izateko aukerak zabaltzeko.