Aurten jaietako pregoia zuek botako duzue, zer mezu bidaliko diezue gorliztarrei eta jaiez gozatzera hurbilduko direnei?
Guk herriari bidali nahi diogun mezua da denontzako jaiak nahi ditugula, dibertigarriak, eta horiek inklusiboak eta parte-hartzaileak izatea nahiko genukeela.
Nolakoa da Kukulus taldea?
Kukulus 18 urtetik gorako nesken kuadrilla izan zen hasieran, baina, orain, 9 urtetik gorako 40 bat kide gara. Erabat inklusiboak gara taldean, horregatik bertokoak nahiz udatiarrak onartzen ditugu; ez dugu bereizkeriarik egiten.
Aurten 25 urteko ibilbidea ospatuko duzue kuadrilla bezala, nolakoa izan da esperientzia?
Esperientzia oso dibertigarria, super polita eta gogobetegarria izan da guretzako.
Urteurrena ospatzeko zerbait berezia prestatzen ari zaretela esan digute...
Noski baietz ez dakizue ondo! Baina etorri eta zuen kabuz ikusi beharko duzue!
Zein da Gorlizko jaietatik unerik bereziena zuentzako?
Txupinazoa eta jaitsiera dira guretzat jaietako unerik berezienak. Kuadrilla guztiak batuta gauden momentu ikusgarria delako; herri osoa egoten da hor.
Bukatzeko, nola deskribatuko zenituzkete Gorlizko jaiak?
Aste nagusiaren ondoren, Gorlizko jaiak dira onenak! Kar-kar! Txantxa da! Gorlizko jaiak dira hoberenak!
