Udalaren esanetan, ekimenaren helburua "errepresioa pairatu zuten pertsonen memoria gordetzea eta gertatutakoa ahaztu ez dadin laguntzea" da, 1937ko uztailaren 22ko gertakarien 90. urteurrena bete baino urtebete lehenago.
Omenaldiaren aurretik, uztailaren 15ean, herritarrei zuzendutako hitzaldia egingo dute. Bertan, Gerra Zibilaren, diktadura frankistaren eta Gorlizen izandako errepresioaren inguruko testuinguru historikoa azalduko dute.
1937ko errepresioaren biktimak
1937ko uztailaren 22an, Ramon Bilbao, Gorlizko zinegotzi eta alkateorde izandakoa, eta Rafael Ziluaga, Gorlizko erietxeko atezaina, fusilatu zituen erregimen frankistak Bilboko Larrinagako kartzelan.
Bestalde, Ramon Gangoiti, garai hartako Gorlizko alkatea, heriotza-zigorrera kondenatu zuten. Gerora, ordea, zigorra bizi osoko espetxe-zigorragatik ordezkatu zioten.
Ekimen horien bidez, Udalak memoria historikoa berreskuratzen lagundu gura du, eta frankismoaren errepresioa pairatu zuten gorliztarren oroimena aitortu zein belaunaldi berriei gertatutakoa ezagutarazi.