Epaile lanetan Kilimar taldeko Garazi Basterretxea getxoztarra eta Celeste Aguero cordobarra (Argentina) izango ditugu. Kilimar taldeak literatura sustatzeko tailerrak eta emanaldiak antolatzen ditu; horien artean, poesia xuxurlatua, irratigintza tailerrak, "La Encendida" ikuskizun poetiko musikala eta Itsas hariak itzal antzerkia. Abian Kultur Elkartearen lokalean (bidebarri 2, behea) hauetariko eskaintza batzuk gozatzeko aukera izan dugu, giro paregabean.
Parte hartzeko, beranduenez abuztuaren 30erako bidali beharko da ipuina abianelkartea@gmail.com posta helbide elektronikora. Lanek baldintza hauek bete beharko dituzte:
- Parte hartzaileak, lana bidalitako momentuan, gutxienez 16 urte edukiko ditu.
- Lanak euskaraz zein gazteleraz bidali daitezke. Euskarazko lanek euren artean lehiatuko dute, gaztelerazkoek gaztelerazkoen artean. Kategoria bakoitzeko irabazleak zein aipamen bereziak saria jasoko dute.
- Irabazleentzako saria Algortako Dendak elkarteko komertzioetan erabili hal izateko 150€-tako bonoa izango da. Aipamen berezia merezi duten bi lanentzako saria Patxeko tabernan bi pertsonentzako afari bana izango da.
- Lanaren gutxieneko luzeera orrialde batekoa izango da, eta gehienez hiru orrialde izango ditu.
- Lana Times New Roman edo antzeko letratipoan idatziko da, tamaina 12koa izanik. Lerroartea 1,5ekoa izango da.
- Lanek orijinalak eta inon argitaratu edo saritu gabeak izan beharko dute.
Animatu parte hartzera, gozatu, eta zorte on!