Barrikako VI. Pala Txapelketa martxan da!

Erabiltzailearen aurpegia
Ekimenaren kartela.

San Juan jaietako binakako pala-txapelketan izen-ematea irekita dago jadanik. Bikoteek maiatzaren 19ra arte izango dute epea izena emateko, euren datuak honako bi emailetara bidaliz: barrika.j.b@gmail.com edo liburutegia@barrika.net.

Maiatzaren 19tik aurrera, txapelketa abian jarriko dugu, izen-emateen araberako ligaxkak antolatuz eta partida egutegia zehaztuz; partida guztiak Barrikako frontoian izango dira. Finala, San Juan jaietan izango da, ekainaren 26ko eguerdian, hain zuzen ere.

Hiru ligaxka aurreikusten ditugu: neska bikoteena, mutil bikoteena eta ligaxka mixtoa, emakumezko eta gizonezko batez osaturiko bikotea. Sarien artean, bi pertsonentzako afariak eta diploma egongo dira, 3 sari kategoria bakoitzeko.

Txapelketan parte hartuko duten bikote guztiek honako bi baldintzak bete beharko dituzte: profesionalak ez izatea eta bikote bakoitzeko, federatutako pertsona bakarra egotea.

Txapelketaren oinarriak hemen irakur daitezke.

Barrikako Jai Batzordetik txapelketan parte hartzera animatzen zaituztegu! Anima zaitezte! Gora San Juan jaiak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun