Berangoko Udalak jakinarazi duenez, biharko sanjoanetako sua bertan behera geratu da. Era berean, baserrietako eta landa-eremuetako bizilagunei gomendatu die ez dezatela surik piztu, arriskuak saihesteko eta segurtasuna bermatzeko.
Sopelan ere, Udalak San Joan bezperako sua bertan behera uztea erabaki du, muturreko tenperatura altuengatik ezarritako alarma gorria dela eta. Hala ere, oraingoz, egitarauko gainerako ekintzak bere horretan mantenduko dituzte; besteak beste, haurrentzako tailerrak, txokolatada eta ikuskizun ibiltaria egitea aurreikusita dago.
Udalek datozen orduetan ematen duten informazioaren arabera eguneratzen joango gara San Joan bezperako ekitaldien inguruko xehetasunak.