Lotsagarriak bezain mingarriak izan dira euskarak azken hilabete luzeetan jaso dituen erasoak, eta mingarria da ikustea hainbatentzat ez dela nahikoa izan, euren helburuaren lorpenean ez dutela oporrik hartu.
Etxekoandreak berezko leku asko galdu ditu urteetan zehar, horietako batzuk, saiakera handiak eginda, nolabait berreskuratu dituen arren. Ai, baina neskamea eraso egina sentitzen denean... Algortako jaietako txosnetan gertatutakoa, adibidez; neskameak jasotako diskriminazioa salatu zuen ahots askok.
Etxekoandreak galdutako espazioa bueltatu nahi izan diote batzuek eta, horretarako, neskameari txikitu diote lekua, ez kendu, espazioa mantendu duelako; agian horixe baita batzuentzat gune horretan eduki beharreko gehienezko espazioa?
Etxekoandrearekiko keinu txiki hori lorpen handia izan daiteke, ekintza horrekin zabaldu nahi zuten mezua ondo heldu bada: goazen espazioak handitzen, etxekoandreari bere espazioak berreskuratzen lagundu behar diogu.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.