Berrogei urtetan zortzi lege diferente ezarri izanak gobernuen helburua, adinez txikiak heztea barik, doktrinatzea dela pentsarazten digu. Pantaila txikietako irudi azkar eta mezu arinetara ohitzen ari diren adingabeek -eta hor familiak erantzukizunik badu- zailtasun handia izango dute testu luzeak ulertzeko, eta, ondorioz, irizpide kritikoa eraikitzeko. Fruitua: gizaki manipulagarria.
Eta zeozer arina izan bada, baita arinkeriatan jausita ere, ikasgeletako baliabide digitalen erabilera izan da, ordenagailua, pantaila digitala, pantaila interaktiboa, laster, adimen artifiziala ... Robotak ikusiko al ditugu geletan?
Dirua gastatu eta gastatu modernizazio-lasterketa zoro batean, tresna horien baliozkotze-lagin bat ere hartu gabe. Inbertitu beharra beste nonbait zegoen: ratioak! Oraintsu jabetu gara, antza. Eta ratio-jaitsierarekin batera, ikasleen arteko harremanen sustapena, baita irakaslearekikoena ere. Aurrez aurreko harremanak, jakina.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.