Orain Berangon bizi naiz. Algortan etxebizitza eskuratzea ia ezinezkoa bihurtu zaion belaunaldi horretakoa naiz, eta Uribe Kostako gazte askok bezala, hemen aurkitu dut etxea; nire kasuan, babes ofizialeko etxebizitza batean, auzo berri batean.
Berango hazten ari da. Etxe gehiago, biztanle gehiago. Baina herriak ez dira biztanle kopuruaren arabera egiten. Herri-bizitzak eguneroko lekuak behar ditu: okindegia, fruta-denda, taberna, kultur gunea; etxetik oinez irten eta bidean zerbait —edo norbait— aurkitzeko aukera. Berangon, aldiz, eskala handiak hartu du lekua: supermerkatu handiak, merkataritza-guneak, errepideak, aparkalekuak. Erosteko dena eskura. Elkar aurkitzeko, ez hainbeste.
Gu etxe bila iritsi gara Berangora. Ez legoke gaizki, bidean, herri bat aurkitzea.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.