"Haurrak eta dispertsioa" dokumentala eta hitzaldia Algortan

Erabiltzailearen aurpegia

Etxerat Elkarteak "Dispertsioaren hegiak" dokumentalaren proiekzioa eta ondorengo mahai-ingurua antolatu du ostegunerako, ekainak 16, arratsaldeko 19etan, Algortako Villamonteko kultur etxean.

Mahai-inguruan parte hartuko dute: Elena Lafuente irakasleak, Nagore Mujika Etxerateko kideak eta Mikel Gallagak, azken hau aurkezle lanetan.

“Dispertsioaren hegiak”, egungo kartzela politikak ukitzen dituen bazter eta profil guztiak ikustarazteko ekimena da eta bi alderdi jorratzen ditu: bata instituzionala eta bestea gizarteari zuzendua. Lehenengoan erakunde, alderdi, sindikatu eta hainbat eragilerekin lan egiten ari gara akordioak lortze aldera. Bigarrengoak hitzaldi formatua du eta herritarrei zuzendua dago. Helburua, politika anker honen erpin ezberdinak aztertzea, bere hegiak, eta lehenengo geltokia haurrak eta dispertsioa dira. Sakabanaketa politikak ume eta adingabeengan nola eragiten duen eta zein ondorio dakartzan izango dute aztergai eta hizpide biharko hitzaldian.

Uribe Kostan oso hurbiletik bizi dugu errealitate hau: Endika Lejarzegik (Getxo) ume bat dauka; Urko Labeagak (Sopela) alaba bat, Sergio Polok (Sopela) alaba bat; Olga Sanzek eta Txabi Morenok (Sopela) seme bat, Irantzu Gallastegik (Berango) eta Xabier Garcia Gazteluk ume bi, Gorka Martinez Ahedok (Urduliz) seme bat, Aletxu Zobaranek (Plentzia) alaba bat...

Errealitate gordina da

Lehen pausoa: ekitaldira joan, ikusi, ezagutu eta pentsatu zer egin dezakegun, guztion artean.

Etxerat Uribe Kosta

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun