Auzokide batek baino gehiagok ustekabe, sumindura eta mespretxuarekin begiratu zituen sinboloak, jakin gabe zer egiten zuten gure herriko kaleetan. Argi geratu zen, 80 urte igarota ere, herritarrak atzo bezala, berdin-berdin sumintzen direla frankismoaren irudiarekin, eragindako erresumina, sufrimendua, heriotza, zapalkuntza presente dira hamarkaden ostean. Ez da gutxirako, oraindik ez duzunean eraildako arbasoen gorpua berreskuratu, eta gerra zibilaren galtzaileek, ez euren bilobok ez dugunean oraindik errelato ofízialean, merezitako espazioa eskuratu. Herritar batzuk ere azalpen argigarrien behar izan zuten; “Lasai ez da 80. urtemuga gogorazten ari, pelikula bat filmatzen ari dira, lasai”. Azalpenak emango zien kartelik inondik topatzen ez zutela, frankismoa euren sainetan sufritutako hainbatek. Atzo filmatutako sormen lanean erregimen faxista agerian geratuko den zalantzarik ez daukagu, egindako basakeriak, eraildako getxoztarrak oroituko dituela, hori baita egin dakiekeen omenaldirik onena, eurak oroitzea, ezagutzeko "una grande y libre" baten lelopean herri honetan egindako bidegabekeriak; herriak oraindik ahaztu ez dituena.
Atzoko garaiak ordu batzuetan presente
2016ko uzt. 19a, 13:38
Herria izan dugu film eszenatoki azken egunotan, Ramiro Pinillaren "La Higuera" eleberrian oinarritutako filma egon dira grabatzen. Pinillaren liburua irakurri duen edozeinek ondotxo daki Gerra Zibilaren garaian kokatzen dela istorioa. Eta atzo, uztailak 18, Portu Zaharreko eta Txiki Otaegiko plazek garai horretara eraman gintuzten, Francok gidatutako altxamendu Nazionalaren 80. urtemuga bete zen egun berean, hain zuzen. Askoren harridurarako Espainiako banderek, gezi eta uztarriek plazak hartu zituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun