Jai giroan erabat murgilduta gaude eta jaiak izango dira Getxoko auzo ezberdinetan hurrengo asteotan. Ez dugu beste erasorik onartuko, eta horretarako ozen eta garbi esan behar dugu kaleak, gauak eta jaiak gureak emakumeonak ere badirela, eta ez ditugula erasotzaileak gure jai-eremuetan onartuko. Paelletan izandako azken bortxaketaren aurka egiteko Getxoko mugimendu feministak deituta bihar, asteazkena, arratsaldeko 19:30ean Algortako Telletxen izango den prentsaurreko masiboan eta ondorengo mobilizazio zaratatsuan parte hartzeko deialdia egiten dugu. BORTXAKETA ETA ERASO MATXISTEN AURREAN MOBILIZA ZAITEZ!!!
Atzo bertan bortxaketa baten berri izan genuen, herenegun gauean paelletan gertatutakoa. Nazkatuta gaude; horregatik gure sumindura, haserrea eta gaitzespen guztia erakusteko, egingo diren mobilizazio guztietan parte hartzeko deia egiten dugu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun