Andra Mari ez ukitu!

Erabiltzailearen aurpegia

Ibarbengoako parkingaren kontrako horma sendoa eraikitzen ari da azken egunotan Tosu Betirakok aurrera eramandako dinamikari esker. Gero eta getxoztar gehiago daude/gaude parkingaren kontra arrazoi ugari direla eta; alde batetik, uste dugulako ez dituela atxitutako funtzioak beteko, Urdulizeko ospitalera begirako disuasio funtzioa alegia eta bestetik, bertako parkinga Andra Mariko balizko urbanizatze bati ateak ireki diezazkiolako.

Benetan inork uste al du parkingak Andra Mariko auzokideen beharrak asetuko dituela? Ibarbengoako geltokia eginda dago eta bere zabalera eskatzen dugu baina inolako parking egin gabe. Gainera, 2008tik HAPO-rik gabe ari da lanean udal gobernua eta arriskutsua eta erabat salagarria da herri baten oinarria den HAPOa ez izatea Getxo bezalako udalerri batek. Horma sendo bat eraikitzen ari da parkingaren aurka, bai, eta horma horren oinarria herritarren mobilizazioa eta protesta izango da. Horregatik, dei egiten diegu herritarrei Ibarbengoako Parkingaren aurkako Erresistentzia akanpadan parte hartzeko, baita 21ean, eguerdiko 12:00etan, Telletxetik aterako den manira joateko ere. Bertan elkar ikusiko dugu!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun