.jpg)
Gaur, ekainak 20, Errefuxiatuen Nazioarteko Eguna da. Getxoko EH Bilduk ekimena egin du goizean Ereagan, pertsona errefuxiatuek bizi duten errealitatea salatzeko.
Errefuxiatuei gure elkartasuna eta babesa eskaini nahi diegu, eta gogoratu gura dugu, gerrak hemen hasten direla, Euskal Herrian eta Getxon ere bai. Hemen sortzen dira hegoaldeko herrietan gerra pizten dituzten armak, "gure" enpresa eta gobernuek sortzen dituzte gatazkak interes politiko eta ekonomikoengatik.
Getxoko EH Bildutik dei egin nahi diegu getxoztarrei gaur Ongi Etorri Errefuxiatuak taldeak antolatu dituen mobilizazioetara. Inor ez da ilegala, eskubide guztiak guztiontzat!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
