Getxoko Kultur Etxeko ikastaroak euskaraz!

Erabiltzailearen aurpegia
Getxoko EH Bilduk sinadura-bilketa abiatu du Getxoko Kultur Etxeko ikastaroak euskaraz egin daitezela eskatuz. Aurtengo eskaintza %100 erdalduna izango da.

Getxoko Kultur Etxeko ikastaro guztiak erdaraz eskainiko dira 2019-2020 ikasturtean: arte aplikatuak, kosmetika naturala, bitxigintza, aretoko dantzak, argazkigintza eta abar. Tailerren %100 erdaraz izango dira, hau da, euskaraz ez da inolako ikastarorik antolatuko.

Erabaki honek euskaldunon hizkuntza-eskubideak urratzen ditu. Getxoztarrok gure aisialdia euskaraz bizitzeko eskubidea dugu, are gehiago erakunde publikoetatik antolatzen diren jardueretan. Ez da onargarria eta ez dugu onartuko.

Hori dela eta, eskaera zuzena egiten diogu Getxoko Udalari eta Getxo Kulturari: ikastaroak euskaraz antolatzea eta getxoztarron hizkuntza-eskubideak bermatzea.

Eskaera sinatzeko: http://chng.it/kQ4VWw2JzR

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun