"Romon bizi" prozesua abiatu dugu, Romon etxebizitza arazoari konponbidea bilatzeko asmoz

Erabiltzailearen aurpegia

Getxoko EH Bilduk "Romon bizi" prozesu parte-hartzailea aurkeztu du gaur. Koalizioak datorren astean hasiko du prozesua, auzoak bizi duen etxebizitzaren arazoari konponbideak bilatzeko asmoz, auzokideekin batera. Era berean, EH Bilduk eraikin historikoak defendatzeko konpromisoa berretsi du, Nagusien Etxea kasu. Itxaso Maseda zinegotziak baieztatu duenez, "etxebizitza duinak nahi ditugu, auzo duin batentzat. Romon bizi nahi dugu, eta gure auzoa hobetu nahi dugu".

Prozesuak hainbat fase izango ditu. Hasteko, EH Bilduk inkesta bat banatuko du herriko gazteen artean, bertatik bertara euren iritzia eta proposamenak ezagutzeko asmoz. Besteak beste, galderak honakoak izango dira:

  • Zure ustez, zein da Romok duen arazo nagusia etxebizitzari dagokionean?
  • Zer nolako irtenbideak ikusten dituzu? Zer proposatuko zenuke zehazki?
  • Udalak zer nolako etxebizitza-politika bultzatu beharko luke?

Inkestak gazte lokaletan banatuko dira, eta hainbat buzoi jarriko dira Romoko gune ezberdinetan. Horrez gain, e-postaz ere proposamenak bidaltzeko aukera egongo da, getxo@ehbildu.eus helbidera. 

Romoko auzokideen proposamenak jaso eta gero, EH Bilduk asanblada ireki bat antolatuko du, emaitzak aztertu, ondorioak atera eta denon artean proposamen bat lantzeko. Proposamen hori Udalera eramateko konpromisoa hartuko du EH Bilduk.

"Romon bizi" prozesua udaberrian EH Bilduk hasitako prozesuaren jarraipena da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun