Baina osoko bilkura horretan, EAJk eta PSEk bazekiten akuarioa itxi nahi zutela, eta ez dira gai izan aste hauetan guztietan bertako langileei jakinarazteko. Langileek euren lana galduko dute, eta ez dute inolako azalpenik jaso Udal Gobernuaren aldetik. Langileek prentsaren bidez jakin behar izan dute. EH Bildutik salatu nahi dugu EAJ eta PSEren arduragabekeria gai honetan.
EAJk eta PSEk akuarioa ixtea proposatuko dute hurrengo osoko bilkuran, baina momentuz ez dute inolako proposamenik luzatu eraiki horretan egingo dutenarekin. Beraz, beste hainbat eraikin publiko bezala, hutsik geratzeko arriskua du. Getxoko EH Bildutik bere erabilera aztertzea eskatuko dugu: adibidez, itsasoarekin lotutako ingurumen-zentroa sortzea, klima-aldaketaren kontrako sentsibilizazioa eginez, gure kostaldea babesteko kanpainak eta abar.
Horrez gain, Akuarioko langileentzat konponbide duina lortzea eskatuko diogu Getxoko Udal Gobernuari, eta euren erantzukizuna hartzea.