Getxoko jai herrikoiak aurrera!

Erabiltzailearen aurpegia

Udalak gaur iragarri duenez, bertan behera geratuko dira aurtengo udako jaiak. Ez dira ospatuko, beraz, Zubileta, Santa Ana, Algorta, Romo, Portu Zaharreko jaiak, ezta Paellak ere.

Horregaz batera, Udalak jai batzordeei aurrekontuaren %85 kenduko diela adierazi du. Gainontzeko %15arekin, jai batzordeek bestelako ekimenak antolatzeko aukera izango dute: bideoak, materiala sortu, online programazioa...

EH Bildutik uste dugu jai batzordeei emango zaien dirulaguntza ez dela nahikoa. Jai batzordeek kultur jarduerak antolatu ahalko lituzkete, beste modu batera bada ere. Erakunde publikoak kultur jarduerak antolatzea aztertzen ari dira, distantziamendu sozialeko arauak errespetatuz. Zer dela eta jai batzordeek ez?

Ez dugu onartuko osasun-krisia baliatzea kulturgintzan murrizketak egiteko eta jai batzordeei aurrekontuak jaisteko. Jai herrikoiak aurrera!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun