Elkartasuna Unai Etxebarria futbol jokalariarekin

Erabiltzailearen aurpegia

EH Bilduren proposamenez, Getxoko Udaleko bozeramaile batzordea batu da gaur, Unai Etxebarriari babesa adierazteko eta adierazpen askatasuna aldarrikatzeko. Adierazpen instituzionala EAJk, EH Bilduk eta Elkarrekin Podemosek sinatu dute.

Getxoko Udalak adierazpen instituzionala sinatu du gaur Unai Etxebarria futbol jokalari algortarrari babesa eta elkartasuna adierazteko, EH Bilduren proposamenez. Adierazpena sinatu dute EAJk, EH Bilduk eta Elkarrekin Podemosek. PSEk eta PPk ez dute testua babestu.

Adierazpenak jasotzen duen bezala, “ezin uler daiteke profesional bat, kasu honetan kirolaria, kaleratua izatea bere adierazpen askatasunerako eskubidearen erabilera egiteagatik”. Udalak “eskubide urraketa larritzat” jotzen du kaleratzea, “bai eskubide zibilen planoan, bai lan eskubideen planoan”. Izan ere, Unai Etxebarria kaleratua izan da Granada futbol taldetik, “Altsasukoak aske!” leloa zuen kamiseta janzteagatik.

EH Bilduk positiboki baloratu du gaur Getxoko bozeramaile batzordean lortutako akordioa. Abuztuaren 30ean egindako kontzentrazioan Getxoko auzokideek ere euren babes eta elkartasuna adierazi zioten Algortako futbol jokalariari, “Gu ere bai” plataformak egindako deiari erantzunez.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun