Atharratzetik abiatu zen Korrikak ere, bazituen aurreikusi zitezkeen anekdotak: jendetza hasieran zein amaieran, furgonetan doazenen kontakizunak, eroriak, dantza taldeak, giro aparta… Ederra da hori, Korrika bera ederra delako. Tamalez, bazituen ere espero genituen beste aurreikuspen batzuk: Korrika eta euskararekin zerikusirik ez duten pankartak eta aldarriak (presoak, amnistia, Irango estatu teokratikoko banderak…) eta aurreikus zitezkeen ika-mikak. Zoritxarrez, ordea, aurtengoak ere azken uneko sorpresa izan du, AEKren arabera anitza omen zen gazte talde bat gorabehera.
Euskarak dibertsitatea behar du, baina Korrikak saltzen duena baino handiagoa. Korrika beste helburu batzuetarako erabiliko ez balitz, Korrika anitzagoa litzateke eta neurri batean AEKren esku dago hori. Ea datorren Korrikak zenbait aurreikuspenetan kale eginarazten gaituen. Eskertuko (ge)nuke, baita euskarak ere.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.