Larunbatean, udalbatza berria osatu ondoren, Lemoizko alkateak eta zinegotziek oihalarekin argazkia ateratzeko aprobetxatu zuten, erabakitzeko eskubidearen aldeko jarrera erakutsiz.
Domekan ordea, oihala Armintzako portuan jarri genuen eta herritarrek eurena duten oihalarekin batera atera zuten argazkia. Orain arte, 183 pertsonen gogoari esker, oihal zoragarri honi bizia eman ahal izan diogu eta honekin, herri honen borondatea islatu. Hala ere, ekainaren 21era arte ez dugu etsiko eta gure helburua diren 200 saretze-txartelera heltzea gustatuko litzaiguke.
Horrez gain, gogora ezazue asteazkenera arte daudela San Mameseko sarrerak herrian salgai eta ostegunetik aurrera, Bilbon eskuratzeko aukera izango duzuela. 82 sarrera saldu ditugu jada, baina oraindik badago lekua honelako egun garrantzitsu batean gure herriak merezi duen ordezkaritza berton egon dadin.
Beraz, sarrerarik edota saretze-txartelik ez duzuenok, oraindik duzue astia!