Hala ere, potentziala existitzen da. Eskualdean gazteak daude, giza kapital aipagarria (biztanleen % 86,6k goi-mailako hezkuntza du) eta eragile bereziak, hala nola Plentziako PIE edo Lemoizen BIMEP. Inertziak aldatzea ez da erraza, baina distantzia luzeko argiak pizten dituzten pauso txikiak daude.
Behargintzak, historikoki autoenpleguan eta politika erreaktiboetan errotua egon da eta jauzi bat eman behar du. Inertzia aldaketak gauzatzeko eskualdeko garapen-agentzia bat behar dugu, proiektu estrategikoak artikulatuko dituena, inbertsioa erakarriko duena, tokiko eragileak koordinatuko dituena eta, batez ere, eragile sozial eta ekonomikoekin batera alternatibak gidatzeko gaitasuna izango duena, duela gutxi Mecaner-en kasuan izan zitekeen bezala.
Gaur gaurko, mugimenduak egiten ari dira: plan estrategiko bat egin da, teknikari espezializatu bat kontratatuko da, auditoria bat egiten ari da eta Orekan Sakonduz dirulaguntza eskatu da. Planak eskualdea biziberritzeko funtsezko proiektu eragileak identifikatzen ditu, hala nola:
- PIEren ezagutzaren transferentzia**: Plentziako itsas ikerketa aukera ekonomiko bihurtzea, bereziki bioteknologian eta ekonomia urdinean, osasuna edo energia bezalako sektoreekin lotuz.
- Autosufizientzia energetikoa**: BIMEP plataforma aitzindaria da itsas energian, kooperatiba berriztagarriak sustatzeko eta kanpo-mendekotasuna murrizteko.
Gakoa, ordea, koordinazioan dago. Udalerriak, eragile ekonomikoak, gizarte-eragileak eta ikerketa-zentroak estrategia komun baten arabera lerrokatu behar dira. Uribe Kostaren etorkizuna ezin da soilik haren bizitegi-erakargarritasunaren mende egon; eredu ekonomiko dibertsifikatua, iraunkorra eta kalitatezko enpleguak bermatzen dituena eraiki behar du. Garapen-agentzia ez da aukera bat: premia bat da. Eta hori bultzatzeko unea orain da, herri bezala ditugu erronkei aurre egiteko gure harri-koskorra jarriz, bizitza eta lan duinak dituen eskualdea bultzatuz.
Aitor Garagarza eta Guruzne Carrasson, Behargintzako presidente eta presidenteordea
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.