Garoña itxi orain eta betiko!

Erabiltzailearen aurpegia

Bihar, otsailak 23, kontzentrazioa Algortan Iberdrola bulegoaren aurrean, Basagoiti etorbidea, 64. Goizez: 12:00 - 13:00, arratsaldez: 18:00 - 19:00. Deitzaileak: LAB, Ekologistak Martxan eta Greenpeace.

Txernobilen eta Fukushiman itzelezko hondamendi humano  eta ekonomikoa ikusita (800.000 hildako, 700.000 milioi euroko galerak, 500.000 desplazatu...), ezin dugu Garoña berriro zabaltzerik onartu.

Istripu nuklearra gertatuko balitz, hobe ez pentsatzea zer gertatu ahal zaigun: milaka hildako, jende asko gaixorik bizitza osorako, Zadorra edo Ordunteko urtegietatik edaten dugun ura kutsatuko litzateke, Ebroko arro osoan ezin izango litzateke ureztatu, etxebizitzek eta enpresek balio handia galduko lukete...

Endesaren eta Iberdrolaren bezeroei argi eta garbi jakinarazi behar diegu Garoña orain eta betiko ixteko benetako boterea beraiek daukatela. Enpresa hauek hizkuntza bat baino ez dute ezagutzen, DIRUARENA, beraz bere hizkuntzan hitz egingo diegu: "Bizitza garbia eta nukearrik gabea nahi dut nire herriarentzat, nire lagunentzat, nire senideentzat, nire seme-alabentzat, niretzat...Zuena negozio zikina da eta aski da!. Hemendik aurrera nireak izango dira lehenengoak:soilik energia berriztagarriak eskeintzen dituen enpresa batera joango naiz".

www.garonarekinmoztu.net

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun