Mozal legea gaitzesteko protesta antolatu dute apirilaren 17rako Bizkaiko gazte eragileek

Erabiltzailearen aurpegia

Dagoeneko onartu dituzte Herritarren Segurtasunerako Legea eta Zigor Kodearen erreforma berria, “Mozal Legeak”, eta laster sartuko dira indarrean. Lege hauek egungo ereduaren krisiak sortutako giroari aurre egitea dute helburu, borroka soziala errotik ezabatzeko helburuarekin. Horren guztiaren aurrean, Bizkaiko gazte eragileek antolatzeko beharra ikusi dute, eta mobilizazio egun bat antolatu dute: apirilaren 17a, ostirala. 18:30etan Bilboko Moyua plazatik aterako den herrialde mailako gazte ekimen-manifestazioan parte hartzera deitu dituzte gazte bizkaitar guztiak, eta buruberokiak eramatea eskatu dute.

Deialdiarekin bat eginez, Uribe Kostako hainbat gaztek bideo hau grabatu dugu:

Honen bidez, aberatsak gero eta aberatsago bihurtzen diren heinean, "mozal legeak" prekarietatean murgiltzen goazen gazteak isilik mantentzeko erabiliko dituztela salatu nahi izan dugu.

Beraz, Uribe Kostatik ere gazteak Bilbora hurbilduko gara apirilaren 17an. Lotuta, isil nahi gaituzte. Ebaki mozala!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun