Jabi Gallaga preso politiko algortarra Darocako espetxera hurbildu dute

Erabiltzailearen aurpegia

Cordoba-ko espetxetik (835km  8h 24´)  Daroca-ko espetxera (345km 3h 31´) lekualdatu dute Jabi Gallaga

Espainiako Barne Ministerioak abenduaren 30en eman zuen hurbilketa honen berri, eta baita beste hamar euskal preso politikoena. Hala ere, astelehen honetan heldu da Daroca-ko espetxera.

Jabik, Cordobako espetxean eman ditu azken urteak, Algortatik 835km-tara. 22 urte baino gehiago daramatza giltzapetuta. Orain berriz, etxetik 345km-tara egongo da. Zorionak eta besarkada bero bat Jabi, Toñi amari, Mikel anaiari, senide eta lagun guztiei!

Baina aurrekoetan esan bezala, mugimendu hauek begi onez ikustez ditugun arren, ez dira inolaz ere nahikoak eta ez ditu ez gure, ez eta euskal gizartearen gehiengoaren nahiak eta aldarrikapenak asetzen. Euskal Herrian, kalean aske nahi ditugu. Norabide honetan, inoiz baino beharrezkoago dugu kalean mobilizatzea. Espetxeetako paretak pitzatu ditugu, orain harresiak bota eta barroteak urtzeko garaia da. Denon indarraz lortuko dugu! Euskal preso, iheslari eta deportatuak etxera ekarriko ditugu!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun