Aberri Egunera joateko autobusa antolatuko da Uribe Kostan

Erabiltzailearen aurpegia
Independentistak sareak Iruñean ospatuko du aurten Aberri Eguna. "Menpekotasunetik askatasunera. Burujabe hobe!" lelopean antolatuko da oraingoan, Larrabetzuko independentzia egunari segida emanez horrela.

Independentistak sareak adierazi du burujabetzaren ordua dela, bere helburua Euskal Errepublika aldarrikatzea izanik. "Eta prozesu hori bultzatu eta bermatuko duen subjektu soziala metatu eta aktibatu behar dugu lehenbaileen. Menpekotasunetik askatasunera jauzi egiteko ordua da."

Aurtengo Aberri Egunean pentsionistek eta mugimendu feministako kideek protagonismo berezia izango dutela adierazi dute antolatzaileek.

Eguerdiko manifestazioari dagokionez, ohiko ibilbidea aldatu egingo da, Sarasate Pasealekutik irtengo da 12.00etan eta, erdiguneko hainbat kaletan zehar ibili ondoren, toki berean amaituko da. Bertan egingo da ekitaldi politikoa.

Bertaratzeko asmoa duen orok antolatzen dabilen autobusean egin dezake. Apuntatzeko aukera irekita dago, ohiko lekuetan. Algortaren kasuan zehatz, Hator tabernan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun