...eta segi aurrera!

Erabiltzailearen aurpegia

1975eko irailaren 27an Txiki, Otaegi eta FRAPeko hiru kide fusilatu zituen Estatu espainolak. Ordutik, Euskal Herriak egun hori darabil askapen borrokan eroritako kideak oroitu eta omentzeko.

Aurten ere, Ezker Abertzaleak gogora ekarri nahi izan ditu herri honen eta bere jendearen askatasunaren alde bizitza eman duten kideak. Izan ere, konpromiso hori dela kausa, haize iraultzaileek bultzaturik, ehunka, milaka gizon-emakumek haien bizitza utzi dute, tiranoengandik, zapaltzaileengandik, okupatzaileengandik gure aberria askatzeko saiakeran.

Eta borrokan eroriez gain, bizitza osoa borrokari eskaini ostean joan zaizkigunak zein urte luzeetan konpromiso bera erakutsi eta oraindik ere gure artean lanean ditugun horiei merezitako aitortza egiteko, Ezker Abertzaleak urriaren 6an ekitaldia antolatu du, 13.00etan Txiki-Otaegi enparantzan. Ondoren bazkaria egongo da, kantuz, dantza gidatuz, umeentzako puzgarriz eta jolasez animatuta. Tiketak Hator tabernan daude salgai.

nora goazen argi daukagu, nondik gatozen badakigulako

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun