Aupa Uribe Kostako gazte hori!
Beharbada oraindik honen berririk ez duzu izan, baina zita garrantzitsua dugu Maiatzaren 28an! Izan ere, Uribe Kosta mailako gazte topaketak izango ditugu Plentzia-Gorlizko Danontzat gaztetxean.
Eta galdetuko duzu, zertarako topaketa hauek?
Urte aberasgarria izan da aurtengoa gazte mugimenduarentzako. Gure artean ezagutu, saretu eta alternatiba zehatzen inguruan hitz egiteko tartea izan dugu Oñatiko gaztetxe eta gazte asanbladen topaketetan eta Usurbileko jardunaldiak bezalako ekimenetan, eta aurrera begira, bide horretan jarraitzeko beharra dugu.
Uribe Kostari dagokionez, gogo, iniziatiba eta motibazio horiek eskualdean ere sareak sortzeko balio behar dute, eta hala egingo dugu Maiatzaren 28an izango diren topaketetan. Eremu ezberdinetan lanean gauden edo motibazioa dugun gazteak batu gara eta egitarau anitz eta zabala duen egun osoko planteamendua antolatu da: feminismoaz aritu, musikeroen artean sareak sortu, alternatiba sozioekonomiko berriak ezagutu, eta beste hainbat esparru ezberdinen inguruan aritzeko aukera izango dugu.
Hona hemen eguneko kartela, bertan antolatuko diren saio guztiekin. Hurrengo egunetan, informazio gehiago emango dugu bertan antolatuko diren tailer eta saio guztien inguruan, baina momentuz data agendan gordetzearekin nahikoa!
Beraz, animatu parte hartzera!
