Egun, asko aldatu dira: jai batzordekideak zaharkitu dira, erreleborik gabe; udalen garrantzia handitu da; eskaerak itogarriak dira (zarata, garbiketa, osasuna…); ekimen pribatua programetan nonahi (tabernak, laguntza pribatuak)... Udalek zeloz zelatatuta, txosnak jaien periferiara alboratu dira, non gazteek eta lau nostalgikok militantziaz goazen; gainera, elkarteei eman zaizkie: herri-elkarteei, tenisari, enpresei...
Txosnak, oraindik, oso garrantzitsuak dira gure jaietan, leku batzuetan oinarrizkoak. Hala ere, ez dira gure herriko elementu identitarioak: nor da komunitate eramailea? Edaleak? Zerbitzari boluntarioak? Kontratatuak? Elkarteak? Tenistak? Alderdiak? Zein da eredua? Batzordearena? Alokatuta? Alderdienak?
TicketBai ezin da izan gure ondarearen oinarria. Arazoa mila modutara konpon liteke, onartzea barne, baina ezin da izan gure kulturaren motorra. Tamalez, gure kulturaren indize bada.