2000ko hamarkada inguruko giroa kontatzen du nobelak, bi protagonista nerabe horien arteko harreman libidinal eta, aldi berean, tirabiratsuaren bidez. Eta liburu osoa hartzen duen tonu jostari eta, aldi berean, gardenaren erakusgarri da kobren entrenamenduaren anekdota. Bi neskak dibertitu egiten direlako elkarrekin mutilen muxuei nola iskin egin ikasten, eta, era berean, pasadizoak argi erakusten duelako zer nolako bortizkeria izan den nagusi maiz segurutzat jotako hamaika esparru eta lagunartetan.
Idatzita dago. Argi irakurtzen da.
Durangoko Azokan, deigarri egin zitzaidan, ordea, Amurizari liburua sinatzeko eskatu ondoren, zenbat eta zenbat mutilek egiten zizkioten antzeko oharrak: "Nire neskalaguna/alaba/amarentzako da". Entrenatu gabe ere, maiz, gizonezkooi erraza zaigu errealitate batzuei kobra egiten segitzea.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.