"Kolpe zorririk jotzeko gogorik ez duen norbaiten arima daukat langile klaseko gorputz batean gordeta", zetorren idatzita @zaldieroaren irailaren 3ko zintan. "Goyaren La maja vestidaren remix bat" zen, irudigilearen hitzetan. Binetan tipo bat hondartzan tripaz gora etzanda marraztu zuen, garagardo lata baten parean. Eta, nago, nagikeriaren estanpa hori oraindik ez dagoela lar ondo ikusia, nago lana aldarean duela gizarteak bizitzaren gainetik.
Hiru izenburu etorri zaizkit burura: Paul Lafargueren Le droit à la paresse (Alferkeriarako eskubidea), Sarah Jafferen Work Won’t Love You Back (Lanak ez zaitu bueltan maitatuko) eta Jenny Odellen How To Do Nothing (Nola ez egin ezer). Ez dakit liburu hauetan erantzunik ote dagoen, baina ekuazioaren hurrenkera zein den asmatu ezinik nabil oraindik: Bizitzeko lan egin, edo lan egiteko bizi?
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.