M8ak "dantzatu ezin bada, ez da nire iraultza" espiritua gauzatu du. Baina hau ez da festa hutserako gonbidapena, gozamena erresistentzia gisa aldarrikatzeko baizik. Sistema honek ahantzarazi nahi digun arren, "guztia aldatzera etorri gara". M8ko dantza kolektiboa ez da distrakzioa, eskatzen dugun askatasunaren entsegu orokorra baino.
Beraz, M8 honetan kalera atera, kantatu, dantzatu, amorrua edo kontzientzia-klasea aldarrikatu, lagunekin elkartu eta sinets dezagun beste mundu bat posiblea dela. Hurrengo egunean, bila ditzagun auzokideak, inguruko edozein zapalkuntzari elkarrekin aurre egiteko. Nork bere lekutik, denok ekar dezakegu geure aletxoa. Benetako dantza sentitu nahi badugu, bilatu auzoko edo herriko kolektibo feminista: pentsatzeko, ikasteko eta ekintzetarako elkartu, baita besarkatzeko ere. Guztion askatasuna eta duintasuna gure pozaren oinarria denean, benetan dantzan ari garela esan dezakegu.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.