Urrian, Andra Mari eta Aixerrotako trikitilariak batu genituen. Gure asmoa Olentzerotan eta ikastetxeko jaian ateratzea zen, inolako helburu potolorik gabe. Baina bai helburu zehatz batekin: talde giroa sortzea, trikiak kalera ateratzea eta gozatzea.
Gazteen konpromiso ezari buruz hitz egiten dugu. Ez dakizue zeinen gozagarria izan den hilabetean behin batzea trikia jotzeko, abesteko eta bizkotxoa askaltzeko. Gure errepertorioa ez da oso zabala, baina apurka-apurka bagoaz osatzen.
Pianoa, gitarra, bateria, bibolina… bezalako instrumentuak ez baditugu aukeratzen, ez gaituzte serio hartzen. Gazteek hautua egin dute: trikitia. Gure kaleak doinuz bete nahi dituzte eta horretan dabiltza. Izena ere aukeratu dute: hauspoak. Infernuko hauspoa urte luzez astindu dezatela!
Eskerrik asko Amaia, Alain, Ane, Izadi, Leize, Lur eta Terese. Gurasoei ere, zuek ere konpromiso itzela hartu duzuelako eta haiek parte hartzera bultzatu dituzuelako.
P.D.: Panderoa berreskuratuko dudala zin dagit!
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.